Gary's Patisserie

好鍾意佢嘅海綿蛋糕

一開始知道呢間嘢係因為想搵芒果蛋糕，第一次去買瑞士卷嘅時候見到收銀隔離有cake end可以買，買咗嚟即場試，好鍾意佢個海綿蛋糕嘅質地，超濕潤，好好食～最鍾意斑斕味同原味 今次都揀咗斑斕瑞士卷，但同之前食過嘅唔同，之前食嗰隻入面係綠豆蓉，今次呢隻入面只係cream，都好食嘅～因為本身個海綿蛋糕就好好食，不過我覺得綠豆蓉嗰隻係更好食～ 綠豆蓉嗰隻應該貴啲，唔記得價錢，cream 呢隻就$12, 四個人食份量啱啱好！ 都好鍾意佢個芒果蛋糕，有買過幾次，不過真係越嚟越貴，純粹想食海綿蛋糕嘅話，可以考慮買佢哋嘅cake end, 2蚊一包！