Kintaro Izakaya

在加拿大的日式居酒屋˃͈◡˂͈

SEP 8,2025 今日要講吓呢間係college站附近嘅居酒屋！ 環境嚟講我覺得可以同日本嘅居酒屋媲美～ 喺嗰度做嘢嘅姐姐（或者妹妹？！）個個都好養眼😍 嘢食同酒方面我都覺得十分不錯👍🏻👍🏻 選擇好多，你會揀到自己想食嘅嘢！ 但我喺呢度食過嘅雞心Hatsu $6 感覺上都冇喺日本或者香港食嘅咁有彈性？定係叫咬口🤣 我自己覺得可以唔使嗌 佢個燒吞拿魚Maguro Tataki $25.99好出色 不過價錢真係唔算好吸引😖 畢竟係居酒屋，你唔好預佢啲嘢食會太大份～ 有機會食完都係會冇飽足感🤣🤣 但係如果真係好想有日本嘅感覺，儘管去try try！