真材實料！

溫哥華都有唔少港式嘅冷凍食品品牌，性價比嚟講，Dbay 同其他完全冇得比，佢係真係偏貴嘅，但係我依然會間唔時去入下貨，因為佢啲嘢真係真材實料，係你食得出嗰隻真材實料。 今次買咗牛丸、香菇豬肉丸、蝦丸、兩款嘅雲吞、琥珀合桃同埋杏汁蛋白露。牛丸同香菇豬肉丸好好食，不嬲買開嘅。蝦丸，今次就第一次買。當日返到去就煮咗韭菜鮮蝦大雲吞，呢款其實之前都買過食過覺得好食嘅，同埋真係好大粒。另外嗰隻雲吞都係第一次買。琥珀合桃之前過年我仲買嚟送禮添。杏汁蛋白露上次係諗住買俾屋企人食，我自己冇諗過會鍾意嘅，點知覺得幾好食喎，又唔太甜，所以今次特登再買。

Unknown Restaurant： DBay Kitchen and Food