Phnom Penh Restaurant

終於試到金邊小館! 同朋友兩個人點左3樣野share~ 必點嘅蒜蓉牛油雞翼, 炸得好酥脆, 加埋蒜蓉調味,係100分配搭, on side仲跟埋鋪頭特製嘅檸檬胡椒汁,覺得食得太油膩嘅話可以試下點汁, 夾埋都幾fresh 嘅口味, 中和油膩感!! 另外點左油醋生牛肉, 牛肉片上灑左芫茜同炸過嘅蒜頭,(如果唔係好茜之人,記得要走芫茜!) 加埋醋汁入口配搭好正, 牛肉片係薄切, 不過加埋配料醬汁一齊食口感依然豐富!! 都係must點item之一! 最後點左個潮州炒飯, 份量都好岩share, 味道不錯~想加個主食點炒飯都係唔錯選擇黎 整體用餐體驗很不錯,但係預要等時間入座, (餐廳唔接受Booking ,除非6人以上) ,餐廳座位都多,但都長期爆場 所以要提早去等位, 今次我同朋友7點到都等左差不多45分鐘~門口都有啲位可以坐低等 雖然等得耐, 但一定會再去食!!