龍華酒家

溫尼伯著名要儲夠最少十個人先食到既餐廳

原因係因為佢既份量係只能用巨字形容 加上位置處於溫尼伯既城寨區 四面都係治安唔既區中間既一道清泉 是日冬至同朋友一齊去食飯 可能因為係夜晚啦，平時日頭出沒嘅拆家今日就見唔到啦 一行五人，叫左片皮鴨三食，霸王雞，風沙飯，蒜蓉豆苗 隻鴨真係得皮既唔似其他地方咁厚肉， 餅皮好薄好香，唯獨是配菜只有芹菜同京蔥， 如果有返青瓜就好啦，最特別係個底係炸春卷皮（？） 剩低既鴨肉就整左炒肉鬆生菜包，唔係好食到肉但食到好多洋蔥，我覺得有d 咸左d，不過塊生菜就balance 到 鴨羹就係似去飲果碗假翅既湯底味，加d 春卷皮落去一齊食有蛇羹feel 是work 的 果隻好出名既霸王雞，雞肉唔係好滑但係好林，冇計啦，因為溫尼伯係冇黃油雞賣㗎，佢個豉油汁整得好好味，甜甜地又唔會太鹹，但係我覺得海上嗰隻走地雞好食啲 之後到最特別嘅風沙飯，係隱藏Menu嚟㗎，我哋見到有人嗌之後先跟風叫，簡單講就係面頭係椒鹽炸物 然後個底係蛋炒飯，我地叫左椒鹽鮮尤同蝦，出色！勁香呀，個飯底又夠乾身同火氣，椒鹽做得好好，粉漿夠薄而且好入味，呢個下次要encore 今次得五個人去戰鬥力有啲唔夠，希望下次可以儲齊12個人去食