菲律賓菜初體驗

2023年5月24日 第一次試菲律賓嘅 Boodle Fight，真係一個好有氣氛嘅體驗！ 成張枱鋪滿香蕉葉，再擺滿各式各樣嘅食物，視覺已經好震撼，未食都已經覺得開心！ 呢個 Boodle Fight Meal 非常豐富，有： 燒全魚（外皮香脆，入面幾嫩） 串燒（幾惹味） 烤肉（有啲似燒肉） 燒蝦（中規中矩） 幾款蔬菜（秋葵、豆角、茄子、白菜） 白飯（份量好多） 春卷（但餡唔係咸，甜甜哋似係香蕉） 仲有幾款醬汁 其實個餐嘅份量絕對夠我哋食，但係我哋仲想試其他嘢，所以再點咗幾個餸（唔同肉配飯） 整體味道唔錯，幾有東南亞特色。 而老闆（主廚）一邊擺餐，一邊同你講解 Boodle Fight Meal 嘅由來，增加我哋嘅知識。 最得意係要用手食，想令人好似去到當地咁；不過有啲朋友唔習慣，所以餐廳都會提供手套。 大家圍住一齊食，氣氛好熱鬧，好適合同朋友聚會！ 如果未試過 Boodle Fight Meal，值得試一次！