Nao Sushi

🍣 Nao Sushi｜Burnaby Edmonds 食評

今次嚟食 Nao Sushi，其實一開始期望值係幾高㗎！😂 因為係朋友大力推薦，佢話自己已經食咗呢間 超過10年，所以搞到我對呢餐飯有幾高期待。點知食完之後，整體感覺就有少少失望。 唔可以話佢啲嘢食唔好食，基本上每樣都係 OK、唔差，但就係食完之後諗返轉頭，真係比較難搵到一樣嘢係會令我覺得「嘩，呢樣好值得再食！」嗰種感覺。 🍣 刺身 今餐我覺得反而係刺身最出色！新鮮度同口感都幾好，亦都係成餐入面我最滿意嘅一樣。對於食壽司嚟講，刺身有返一定水準已經係一個幾重要嘅加分位。 🍤 天婦羅 天婦羅就屬於正常發揮，唔算特別驚艷，但炸得都OK，外層夠酥脆，整體冇咩大問題。 🦑 Ika Maruyaki／燒魷魚 呢個就比較普通。魷魚身嘅部分其實仲OK，口感都可以，但係特別係魷魚鬚嗰部分就比較硬，食落冇想像中咁嫩，變咗有少少難咬。 🍜 烏冬 呢個係今餐我最失望嘅一樣。 因為我哋本身就想食啲暖暖地、easy share嘅嘢，所以先特登叫咗個烏冬。點知食落基本上可以話係冇乜味……😂 成碗食完都冇乜記憶點。如果鍾意食味道比較濃郁嘅烏冬，可能會覺得差少少。 🍣 Tokyo Roll 反而呢個幾好食！我覺得可以話係成餐第二好食。味道同口感都幾平衡，食落比較有滿足感，亦係少數令我食完會覺得「呢個可以再叫」嘅一樣。 🍙 壽司軍艦 我哋叫咗三文魚腩軍艦同蟹籽軍艦。三文魚腩其實唔差，油脂感同口感都幾OK。 但係朋友之前強烈推薦嘅蟹籽軍艦，反而令我有少少失望😂。唔係話唔新鮮或者有腥味，純粹係覺得味道比較平淡，冇想像中咁突出，食完冇乜特別記憶點。 🏠 整體環境 餐廳氣氛其實幾舒服，環境亦都唔錯，坐低食飯係幾relax嘅。食物方面亦唔可以話差，整體係合格以上，只係對比起我原本因為朋友「食咗十幾年」呢個推薦而抱住嘅期待，今次就覺得有少少落差。 總結嚟講：食物唔差，但就係欠缺一樣會令我特別記住嘅嘢。 可能如果係朋友約我一齊食，我都會再去 但如果純粹問我自己會唔會特登再去食，我暫時應該就未必啦。🥲