以為係日本Cafe，原來係韓國人主理！炸雞牛角窩夫有驚喜

一開始經過見到間舖，仲以為係日本人開嘅，入到去先知原來係韓國人團隊主理。睇Menu見到好多日韓Fusion配搭，好似韓式牛小排班尼迪蛋咁，幾特別。 今次試咗佢個「唐揚炸雞窩夫」，原來個底係用咗牛角窩夫 (Croffle)，食落有啲煙韌又夠脆。上面件炸雞就炸得啱啱好，入面仲好juicy，估唔到呢個配搭又幾好食喎。 另外嗌咗碟「明太子泡菜奶油義大利麵」，平時食出面啲明太子意粉好容易覺得太鹹或者太漏，但佢加咗泡菜入去，少少酸辣反而中和返個味道，成碟食晒都唔覺得膩。整體環境都舒服，值得紀錄低，下次可以同朋友再嚟

알 수 없는 레스토랑： Komorebi Brunch Restaurant