進源火鍋

🔥 進源火鍋｜5人食評

今次同5個朋友一齊去食，聽講佢哋最出名係炸雞翼同魚腐，所以就特登試下～ 入到去個環境幾有舊式香港酒樓打邊爐嗰種 feel，地方就比較舊式，但都幾有氣氛。 🍗 炸雞翼 真心幾好食！勁脆口，鹹淡啱啱好，而且雞翼本身醃得好入味，係今餐最滿意嘅一樣👍🏻 🐟 魚腐 反而覺得比較一般，有少少魚腥味，而且個炸粉感覺同雞翼差唔多，所以食落同雞翼味道幾相似，仲要更加鹹少少。個人覺得冇傳聞中咁驚喜。 🥥 椰子雞湯底 我哋揀咗椰子雞，係用新鮮椰子落去煮，煮耐咗椰子都仲係幾腍，呢點幾好。湯底就冇話特別鮮甜，整體中規中矩。 🐟 魚面 見到菜單有魚面，覺得幾特別就叫咗，但食落就比較一般，口感非常腍，而且有少少腥，呢樣就唔太推薦。 🦪 生蠔 生蠔幾大隻，不過每人限食兩隻，我哋5個人所以叫咗10隻，點知最後只係上咗8隻😂 比較特別嘅係佢哋叫餸嘅方式。肉類係一片一片咁叫，豬紅、內臟嗰啲就一個一個咁叫，好處係可以自己控制份量，唔怕叫太多食唔晒，但就比較難預計到底應該叫幾多。 菜就通常要一大碟咁叫，我哋差唔多食完先知道原來可以叫半碟😂 如果一開始知道就會好啲安排。 🥤 飲品 飲品唔包，要另外加錢。 服務方面整體都唔錯，店員態度幾好，老闆亦比較熱情，成日行過嚟同我哋傾下偈。不過臨走嘅時候有要求比指定數字嘅 tips，呢點就覺得有少少尷尬。 Overall 整體 OK，但未去到會特登返轉頭食嘅程度。我哋食嗰日係任食，$40幾接近50蚊左右，價錢算係正常。炸雞翼係值得試，但其他嘢就比較中規中矩。如果第一次去可以試下，但食過一次之後，我自己就未必會再專登去～😌