Huh Ga Ne

試試BlackPink都去食嘅餐廳🤩

AUG 27,2025 我自己覺得佢嘅價錢算係對得上佢嘅質素 因為喺香港食韓燒其實都係差唔多價錢 多倫多市面上實在太多價錢又貴 但係質素同份量唔成正比嘅餐廳😖 見到Google話啲Staff態度成日都好差 不過我去嗰陣時候又真係冇～ 同佢哋傾偈仲要覺得啲阿豬媽幾搞笑🤣🤣 但唔知我哋嗰日係好肚餓定係點，我哋三個人竟然將兩個二人份再加八爪魚都食晒～ 所以如果有人要去，你哋就要斟酌吓到底要嗌幾多嘢食 烤五花肉＋大醬湯配米飯/嫩豆腐湯配米飯（二人份） $65 包生菜勁好食!!咁不過我覺得烤五花肉其實都唔會差🤣🤣 烤牛小腸（二人份） $60 我都覺得好好食🤣🤣 但都係鍾意食日本嘅炭火烤肥牛腸 NAK JI BOKEUM 辣炒章魚 $35 好大碟，如果兩個人唔大食嗌多個飯應該就夠！ 總結：如果想體驗吓地道啲嘅韓式燒烤我覺得不妨一試👍🏻