café de A

唔好叫佢地嘅生炒牛肉飯！

第一次去呢間餐廳，見到後生仔打理，地方都幾企理，坐得都舒服，諗住之後可以多多幫襯，支持下，但都幾失望... 叫左茶走，黎左杯茶同一份煉奶，已經覺得唔係好對路，唔通係煉奶同淡奶已經溝埋咗一齊？咁就落佢俾嘅果份練奶睇睇先啦，落完飲一啖，好苦，真係冇淡奶，太苦啦，問侍應攞淡奶溝埋之後就好好多啦～ 之後就係漫長嘅等待，等咗超過半個鐘... 沙嗲牛河，就咁睇個名，以為係乾炒河，原來係濕炒河，上面嘅牛肉肉片偏少，味道還可以～ 生炒牛肉飯，我直程以為佢嚟錯咗，一開始係完全搵唔到肉，好努力咁終於搵到啲肉碎，但唔肯定係牛肉定豬肉，問咗侍應，佢話冇錯呢個係生炒牛肉飯，咁我地都照食啦，唔夠味，更加冇鍋氣，鍾意食炒飯嘅我地食剩一半，打包返屋企當白飯食 雖然等到勁餓，但如果食物ok, 我都會想再去，點知食物質素都唔得...